How to Think Marketing - CodeZone Company

إزاي تحط خطة استراتجية وتشتغل على أساسها؟!
أولاَ يا سيدي انت عشان تفتح أي بيزنس خاص بيك أو شغال في شركة فلازم محتاج خطة تقيس عليها نجاح المشروع دا من فشله، فابيجي دوري هنا عشان أحط الخطة وأدرس السوق كويس ونحط الاستراتيجية بتاعتنا.
وقبل ما تعمل أي بيزنس هتسأل نفسك شوية أسئلة كدة عشان تبقى عارف هتبدأ ازاي وتمشي في الطريق الصح، قول ورايا:
"أنا هقدم إيه للناس؟ مين هما الناس دول؟ ازاي هتحط المحتوى بتاعك؟ مين هما المنافسيين؟ وازاي بيقدموا خدماتهم؟"
خلاص عرفت تجاوب على الأسئلة دي؟ يبقى انت كدة جاهز تحط استراتيجي.
اول حاجة هنتكلم فيها وهي:
● الأهداف، ولازم تكون الأهداف دي SMART وكل هدف فيهم تقدر تطبق فيه كل
كلمة من دول:
• Specific محدد
• Measurable قابل للقياس
• Achievable يمكن تحقيقه
• Relevant ليه صلة بالموضوع
• Time-bound مقيد بفترة زمنية
وحاول تخلي الأهداف تركز على الجمهور المستهدف، عشان الانسان لازم يحس ان هو محور الكون، خليك مُنظم عشان الشغل الحلو نتيجته بتبقى حلوة، وانت بتدور على نتيجة مُرضية في الأخر.
حاول تبدأ بأهداف كبيرة بس تقدر تنفذها وبعدين هدي اللعب شوية وشوف وصلت لايه وقيس النتيجة بقياس الـ KPI's واللي هو عن حاجات كتير زي:
❶ Reach
ودي عدد الجمهور اللي شاف الاعلان أو المحتوى بتاعك
❷ Audience Growth
ودي عبارة عن الفولورز والجمهور الجديد
❸ Link Clicks
عدد الجمهور اللي ضغط على اللينك وزود traffic الموقع بتاعك
❹ Leads
ودي لو هدفك من الإعلان إنك تجمع بيانات من الجمهور
❺ Engagement Time
ودا الوقت اللي تقدر تعرف من خلاله الجمهور بيتفاعل في أوقات ايه بالظبط
وحاجات كتير زي الـ Likes, Shares, Comments وهسيبلك لينك هنا تقدر تبص عليه وياريت تفتحه يعني عشان هتستفيد كتير (KPIs).
● نروح للخطوة التانية وهي:
2- تحديد الجمهور المستهدف، وهنا انت بتحدد اختيار الجمهور على حسب أهميتهم بالنسبالك ومن هنا انت عندك 3 أنواع من الجمهور تقدر تستغلهم في تطوير الاستراتيجية بتاعتك.
◍ أول نوع وهو الـ Most valuable customer
ودا الجمهور اللي المفروض تعمل معاه علاقة قوية، في الأول الموضوع هيكون صعب عشان تكسب ثقتهم بس لازم تحاول تجيب أكبر عدد منهم، وصعب جدًا انك تجيب الناس دي من غير ما تصرف فلوس وتعمل إعلانات عشان يظهرلهم المحتوى بتاعك، فأنت لو صرفت على إنك تجيب عملاء من دول فأنت كسبان مش خسران.
◍ تاني نوع وهو الـ Aspirational Audience
ودول الجمهور اللي انت عايز تستمر معاهم وتكبر وسطهم وسط الحبايب على الأقل الخمس سنين الجايين، وغالبًا بتكون الشريحة دي معظمها شباب سهل التأثير فيهم.
◍ تالت نوع وهما الـ Influencer Audience
الشريحة دي ممكن تستغلها في زيادة الجمهور بتاعك، يعني لو لقيت انفلونسر مشهور متابع ليك وعنده ناس ممكن تبقى جمهورك في المستقبل، ممكن تقوله يعملك إعلان عنده أوو يتكلم عن الخدمة أو تستضيفه عندك في بيتك ومطرحك وتعمل معاه صفقة رابحة للطرفين.
بعد ما حددت أهدافك وشوفت الجمهور بتاعك مين، دلوقتي أقدر أقولك مبروك من كل قلبي بس تعالى عشان في حاجة اسمها Customer Persona لازم تاخد بالك منها كويس، خلاص بقى عندك جمهور كبير؟ من هنا لازم تاخد بالك منه بقى وتسأل عنه، اوعى متسألش عنه عشان هيزعل منك، وتشاركه أفكارك وتاخد رأيه في حاجات معينة وهل احنا كويسين يابني ولا لأ، كل دا عشان تقدر فيما بعد تحدد هو بيفكر ازاي وتعرف توصله بأسهل طريقة وإيه اللي بيأثر فيه، وخد منهم فيدباك كل فترة وهشتكه ودلعه.
هتقدر تعرف كل تفاصيل الـ Digital Strategy وأكتر في كورس الـ Digital Marketing مع أحمد راضي واللي له خبرة أكتر من 14 سنة في مجال الـ Digital Media، أعرف أكتر عن الـ Outline من هنا:
https://bit.ly/3sRKKJ0
رابط رسمي : https://www.codezone-eg.com/en/course/how-to-think-marketing